Şəmkirdə yük maşını ilə minik avtomobili toqquşub

 19:39 26.03.2021     163

Şəmkir rayonunda yol-nəqliyyat hadisəsi baş verib.

Redaktor.az-ın məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alınıb. Hərəkətdə olan “VAZ-2106” markalı minik avtomobili ilə “KamAZ” markalı yük maşını toqquşub. Qəza zamanı 1985-ci il təvəllüdlü  Cəfərov Ramiz xəsarət alaraq xəstəxanaya yerləşdirilib. Yaralının vəziyyətinin kafi olduğu bildirilir. Faktla bağlı araşdırma aparılır. //APA