Suraxanıda ikimərtəbəli tikilidə yanğın olub - FHN

 20:12 08.09.2021     3749

Paytaxtın Suraxanı rayonunda ümumi sahəsi 40 kvadratmetr olan ikimərtəbəli (birinci mərtəbədə sanitar qovşağı və hamam, ikinci mərtəbədə köməkçi otaq) tikilinin dam örtüyü 20 kvadratmetr sahədə və ona bitişik ümumi sahəsi 100 kvadratmetr olan birmərtəbəli evin dam örtüyü 5 kvadratmetr sahədə yanıb.

Fövqəladə Hallar Nazirliyinin mətbuat xidmətindən Redaktor.az-a bildiriblər ki, tikilinin və evin qalan hissəsi yanğından mühafizə olunub.

Alov yanğından mühafizə bölmələri tərəfindən söndürülüb.