Tovuzda qanunsuz ov edən şəxs saxlanıldı - FOTO

 20:42 20.09.2021     270

Tovuz rayonu Əlimərdanlı kənd sakini İftixar Səmədov sentyabrın 19-da qanunsuz ov etdiyinə görə Rayon Polis Şöbəsinin əməkdaşları tərəfindən saxlanılıb.

Redaktor.az xəbər verir ki, bu barədə Daxili İşlər Nazirliyinin Mətbuat Xidmətinin Gəncə regional qrupu məlumat yayıb.

Bildirilib ki, araşdırmalarla onun özünə məxsus müvafiq sənədləri olan Toz-87 markalı tüfənglə Kür çayının rayon ərazisindən keçən hissəsində müvafiq icazəsi olmadan qadağan olunmuş zamanda və məkanda ov etməsi müəyyən olunub.

İ.Səmədov saxlanılıb, ona məxsus ov tüfəngi və ovladığı iki ədəd çöl dovşanı maddi sübut kimi götürülüb.

Faktla bağlı Tovuz Rayon Polis Şöbəsində araşdırmalar aparılır.