Şamaxıda 33 yaşlı kişini avtomobil vurdu

 09:33 07.11.2021     186

Şamaxı rayonununda xəsarətlə nəticələnən yol-nəqliyyat hadisəsi baş verib.

Redaktor.az  xəbər verir ki, hadisə rayonun mərkəzi ərazisində qeydə alınıb. Avtomobil yolu keçən 1988-ci il təvəllüdlü İsgəndərov Zakir Qüdrət oğlunu vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol baldır sümüklərinin yerdəyişən sınığı və üz-baş nahiyəsinin sıyrılmış yaraları diaqnozları qoyulub.

Faktla bağlı araşdırma aparılır.