Keçmiş qadın məhkum eyni əmələ görə saxlanıldı
Şəmkir rayonunda dələduzluq hadisəsi olub.
Bu barədə Redaktor.az-a Daxili İşlər Nazirliyinin Mətbuat Xidmətinin Gəncə regional qrupundan məlumat verilib.
Bildirilib ki, Şəmkir Rayon Polis Şöbəsinin əməkdaşlarının rayon vətəndaşlardan daxil olan müraciət əsasında keçirdikləri əməliyyat-axtarış tədbiri nəticəsində dələduzluq etməkdə şübhəli bilinən rayon sakini, əvvəllər eyni əmələ görə məhkum olunmuş Şəhrizad Məmmədova tutulub.
Araşdırma zamanı müəyyən edilib ki, saxlanılan şəxs ümumlikdə 15 vətəndaşdan işlə təmin etmək və pensiya düzəltmək adı ilə 50 000 manatdan çox nağd pul alaraq onlara qarşı dələduzluq edib.
Faktla bağlı Cinayət Məcəlləsinin 178-ci maddəsinin (Dələduzluq) müvafiq bəndi ilə cinayət işi başlanılıb.
"Bu şəxsin əməllərindən zərərçəkən başqa vətəndaşlar varsa “102” Zəng Mərkəzinə, Şəmkir Rayon Polis Şöbəsinə və ya ərazi üzrə polis idarə, şöbə və ya bölmələrinə müraciət edə bilərlər", - Mətbuat Xidmətindən bildirilib.
Bizi Telegram-da izləyin...
