Rusiyada 30-dan çox avtomobil zəncirvari qəza törətdi, ölən və yaralananlar var

 17:02 26.12.2021     237

Rusiya Federasiyasının Başqırdıstan Respublikasında magistral yolda 30-dan çox avtomobilin iştirakı ilə qəza baş verib, onlardan ən azı dördü yük maşınıdır.

Redaktor.az  xəbər verir ki, yol qəzası nəticəsində 5 nəfər xəsarət alıb, daha bir nəfər ölüb.

Məlumata görə, qəza Karmaskalinski rayonunun Aleksandrovka kəndi yaxınlığında, Ufa-Orenburq yolunun 49-cu kilometrliyində baş verib. İlkin məlumata görə, qəzaya əlverişsiz hava şəraiti səbəb olub.

Zərərçəkənlər xəstəxanaya yerləşdirilib və onlara tibbi yardım göstərilib. Həkimlər yaralılardan birinin vəziyyətini ağır kimi qiymətləndirirlər.