Ehtiyatsızlıqdan özünü güllələdi

 13:34 03.01.2022     228

Göyçay sakini ov tüfəngindən özünə xəsarət yetirib.

Bu barədə Redaktor.az-a Daxili İşlər Nazirliyindən məlumat verilib.

Bildirilib ki, Göyçay Rayon Polis Şöbəsinə yanvarın 2-də Mırtı kəndində B.Muradovun ov tüfəngi ilə ehtiyatsız davranması nəticəsində açılmış atəşdən ayaq nahiyəsindən xəsarət alması barədə məlumat daxil olub.

Dərhal polis əməkdaşları tərəfindən müvafiq tədbirlər həyata keçirilib. Hadisə yerindən müvafiq sənədləri olan “İJ” markalı ov tüfəngi götürülüb. B.Muradov xəstəxanaya yerləşdirilib.

Araşdırma aparılır.