Avtomobil sərxoş piyadanı vurdu, vəziyyəti ağırdı

Bakıda avtomobil sərxoş piyadanı vurub.

Redaktor.az xəbər verir ki, hadisə Sabunçu rayonunda qeydə alınıb.

Zabrat qəsəbəsində yüksək sürətli yolun piyadalar üçün nəzərdə tutulmayan yerindən keçən 1978-ci il təvəllüdlü Xudiyev Zaur İba oğlunu “10-KR-811” dövlət nömrə nişanlı, “VAZ-2110” markalı avtomobil vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona açıq kəllə-beyin travması, baş beyinin ağır dərəcəli əzikləri və bədənin müxtəlif dərəcəli əzikləri diaqnozları qoyulub.

Yaralının vəziyyəti ağır olduğundan o, reanimasiya şöbəsinə yerləşdirilib.

Hadisənin təfərrüatı araşdırılır (report).