Keçmiş əri xərçəng xəstəsinin pullarını oğurladı - AÇIQLAMA

 23:13 10.06.2022     271

Azərbaycanda xərçəng xəstəsi üçün yığılan pul oğurlanıb.

Redaktor.az xəbər verir ki, bu barədə zərərçəkmiş özü sosial şəbəkə hesabından məlumat yayıb.

Belə ki, xərçəng xəstəliyindən əziyyət çəkən və müalicəsinə pul yığılan Aytən İsmayılzadə kartına toplanmış pulların oğurlandığını bildirib.

O, iddia edib ki, təqsirkar keçmiş həyat yoldaşı Kamran İsmayılzadədir. Qadın kartından 2400 manatın oğurlandığını deyib.

A.İsmayılzadə daha sonra pulun 2 min manatının geri qaytarıldığını yazıb.

Məsələyə Daxili İşlər Nazirliyi də münasibət bildirib. Qeyd olunub ki, həmin şəxslə bağlı araşdırmalara başlanılıb.