Şabrandakı yanğına görə bir nəfər məsuliyyətə cəlb edildi
Şabran Rayon Polis Şöbəsinin İctimai təhlükəsizlik bölməsinin əməkdaşları tərəfindən aparılan araşdırmalar zamanı yanğın hadisənin məsuliyyətsizlikdən və ehtiyatsızlıqdan baş verdiyi müəyyən edilib.
Daxili İşlər Nazirliyin mətbuat xidmətinin Quba regional qrupundan Redaktor.az-a verilən məlumata görə, rayon sakini Elnur Nuriyev ona məxsus əkin sahəsindən keçən elektrik naqillərində və işıq dirəyində problem olmasına baxmayaraq, heç bir tədbir görməyib, eləcə də aidiyyəti qurumları məlumatlandırmayıb.
Polis əməkdaşları tərəfindən E.Nuriyevin barəsində İnzibati Xətalar Məcəlləsinin 244-1-ci (Əkin yerinin yandırılmasına görə) maddəsinə uyğun olaraq inzibati qaydada protokol tərtib edilib və araşdırılması üçün aidiyyəti üzrə Kənd Təsərrüfatı Nazirliyinə göndərilib.
Bizi Telegram-da izləyin...
