Xaçmazda meşə yanğını söndürüldü
Xaçmaz rayonunun Müzəffəroba kəndi yaxınlığında meşəlik ərazidə baş vermiş yanğın Fövqəladə Hallar Nazirliyi tərəfindən görülmüş zəruri və təxirəsalınmaz tədbirlər nəticəsində söndürülüb.
Redaktor.az xəbər verir ki, bu barədə FHN-nin Mətbuat xidməti məlumat yayıb.
İlkin hesablamalara əsasən, yanğın nəticəsində təxminən 9 hektar sahədə kol-kos və əsasən qurumuş ağaclar yanıb. Sıx meşəlik və əkin sahələri, ictimai-iaşə və kommunikasiya obyektləri yanğından mühafizə olunub.