Avtomobil velosipedçini vurub öldürdü

 12:39 17.07.2022     171

Xaçmaz rayonunda ölümlə nəticələnən yol-nəqliyyat hadisəsi baş verib.

Redaktor.az-ın xəbərinə görə, hadisə rayonun Yeni Həyat qəsəbəsində qeydə alınıb.

Belə ki, velosipedlə hərəkətdə olan, 2000-cü il təvəllüdlü Nazim İlqar oğlu İsayevi "Hyundai" markalı minik avtomobili vurub.

Hadisə nəticəsində o, aldığı xəsarətlərdən dünyasını dəyişib.

Faktla bağlı araşdırmalara başlanılıb.