Keçmiş məmur məhkəmə zalından azadlığa  BURAXILDI

 12:27 02.08.2022     615

Lənkəran Ağır Cinayətlər Məhkəməsinin hökmü ilə azadlıqdan məhrum edilmiş Kürdəmir Mənzil İstismar Sahəsinin rəisi Sərvər Məmmədov azadlığa buraxılıb.

Redaktor.az APA-ya istinadən xəbər verir ki, bununla bağlı Şirvan Apellyasiya Məhkəməsi qərar verib.

Hakim Elşad Əliyevin sədrlik etdiyi hakimlər heyəti ittiham olunan şəxsin çəkdiyi 2 il həbs müddətini yetərli hesab edərək, cəzasını 500 manat cərimə ilə əvəz edib.

Sərvər Məmmədov məhkəmə zalından birbaşa azadlığa buraxılıb.

Xatırladaq ki, Sərvər Məmmədov Baş Prokuror yanında Korrupsiyaya qarşı Mübarizə Baş İdarəsi tərəfindən 2020-ci ilin avqust ayında Kürdəmir rayonunda keçirilən əməliyyatla rayonun sabiq icra başçısı Ceyhun Cəfərov və digər vəzifəli şəxslərlə birgə həbs olunub.

Lənkəran Ağır Cinayətlər Məhkəməsinin hökmü ilə vəzifə cinayətlərində təqsirli bilinərək Sərvər Məmmədov 2 il 6 ay azadlıqdan məhrum olunmuşdu.