Kürdəmirdə qəzada ölənin kimliyi bəlli oldu
Kürdəmirdə baş verən yol qəzasında ölən şəxsin kimliyi bəlli olub.
Redaktor.az xəbər verir ki, bu, sürücü, Bakı sakini 29 yaşlı Bəkirov Rauf Kamal oğludur.
O, təcili tibbi yardım maşınının köməyi ilə ağır vəziyyətdə Kürdəmir Rayon Mərkəzi Xəstəxanasına çatdırılıb. Lakin həkimlərin səyinə baxmayaraq, R.Bəkirovun həyatını xilas etmək mümkün olmayıb.
Qeyd edək ki, hadisə Kürdəmir-Zərdab yolunun rayonun Köhünlü kəndindən keçən hissəsində qeydə alınıb.
Belə ki, “Hyundai” markalı avtomobil Kürdəmir istiqamətində hərəkətdə olarkən idarəetmədən çıxıb. Nəticədə avtomobil əvvəlcə yolda hərəkət edən qoşqulu traktora, sonra isə onunla əks istiqamətdən gələn “Ford” markalı mikroavtobusa çırpılıb.
Minik avtomobili bundan sonra yoldan çıxaraq aşıb.
Faktla bağlı araşdırma aparılır.
Bizi Telegram-da izləyin...
