Qardaş bacısını yatdığı yerdə öldürdü
Abşeron rayonunda Xalidə Əsədova qətlə yetirilib, qardaşı saxlanılıb.
Bu barədə Redaktor.az-a rayon prokurorluğundan məlumat verilib.
Bildirilib ki, sentyabrın 25-DƏ saat 04 radələrində Abşeron rayon sakini, 1994-cü il təvəllüdlü Xalidə Əsədovanın almış olduğu xəsarətlərdən ölməsi barədə rayon prokurorluğuna məlumat daxil olub.
Aparılan araşdırmalarla zərərçəkmişin qardaşı, 1998-ci il təvəllüdlü Nicat Əsədovun yaşadıqları evdə şəxsi münasibətlər zəminində aralarında yaranan mübahisə zamanı bıçaqla Xalidə Əsədovaya çoxsaylı xəsarətlər yetirməsinə, sonuncunun almış olduğu xəsarətlərdən xəstəxanada ölməsinə əsaslı şübhələr müəyyən edilib.
Faktla bağlı Abşeron Rayon Prokurorluğunda Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanılıb.
Nicat Əsədov şübhəli şəxs qismində tutularaq istintaqa cəlb edilib.
İş üzrə istintaq davam edir.
***
Abşeron rayonu, Masazır qəsəbəsində qətl törədilib.
Redaktor.az Qafqazinfo-ya istinadən xəbər verir ki, sentyabrın 25-də gecə saat 4 radələrində 1998-ci il təvəllüdlü Nicat Əsədov Masazırdakı evdə bacısı, 28 yaşlı Xalidəni qətlə yetirib. O, daha sonra hadisə yerindən qaçıb.
Faktla bağlı Abşeron Rayon Prokurorluğunda araşdırma aparılır. N.Əsədovun saxlanılaraq istintaqa təhvil verilməsi üçün Abşeron RPİ tərəfindən əməliyyat-axtarış tədbirləri həyata keçirilir.
Bizi Telegram-da izləyin...
