Müdafiə Nazirliyi dəm qazından ölən şəxslə bağlı məlumat yaydı - YENİLƏNİB
Azərbaycan Ordusunun hərbçisi dəm qazından boğulmayıb.
Bu barədə Redaktor.az-a Müdafiə Nazirliyindən bildirilib.
"Bəzi kütləvi informasiya vasitələrində guya Azərbaycan Ordusunun hərbi qulluqçusu Yusifli Seymur Teymur oğlunun dəm qazından boğularaq vəfat etməsi barədə məlumat yayılıb.
Bildiririk ki, Müdafiə Nazirliyinin bazasında qeyd olunan ad və soyadda Azərbaycan Ordusunda xidmət edən hərbi qulluqçu mövcud deyil.
Kütləvi informasiya vasitələri nümayəndələrini rəsmi təsdiqini tapmayan məlumatları paylaşmamağa çağırırıq", - məlumatda qeyd edilib.
***
Sumqayıtda dəm qazından boğulma faktı baş verib.
Redaktor.az APA-ya istinadla xəbər verir ki, hadisə ötən gecə qeydə alınıb.
Məlumata görə, Şəki şəhər sakini, 2001-ci il təvəllüdlü Yusifli Seymur Teymur oğlu kirayədə yaşadığı mənzildə dəm qazından boğularaq vəfat edib.
Baş Prokurorluğun Mətbuat xidmətindən bildirilib ki, hazırda qeyd olunan faktla bağlı Sumqayıt Şəhər Prokurorluğunda araşdırma aparılır.
Əldə etdiyimiz xəbərə görə, Seymur Yusifli hərbi qulluqçu olub.
Bizi Telegram-da izləyin...
