Metroda nasazlıq yarandı, sərnişinlər düşürüldü

 08:36 13.01.2023     167

Səhər saatlarında Bakı metrosunda nasazlıq yaranıb.

Qurumdan Redaktor.az-a verilən məlumata görə, saat 7:26-da “Həzi Aslanov-İçərişəhər” marşrutu üzrə hərəkət edən qatarda naszlıq ehtimalı ilə baxış keçirilməsi zərurəti yaranıb.

Təlimat tələbənə uyğun, sərnişinlər düşürülüb və qatar “İçərişəhər” stansiyasında baxış-dayanma dalanı olmadığı üçün ən yaxın məntəqə kimi “Nərimanov” elektrik deposuna göndərilib.

Əvəzinə depodan qatar verilib və xətlər üzrə ehtiyat qatar da hərəkət edib. Depoya göndərilən qatara baxış keçirilib, problem aşkarlanmayıb və marşrutlardan biri üzrə xəttə veriləcək.