Qəzada yaralanan FHN-in sürücüsü öldü - FOTO

 10:44 18.01.2023     613

Yol qəzasına düşmüş Fövqəladə Hallar Nazirliyinin (FHN) sürücüsü vəfat edib.

Redaktor.az xəbər verir ki, hadisə Oğuz rayonunun Sincan kənd ərazisində qeydə alınıb.

Belə ki, yanvarın 14-də FHN-in Dövlət Yanğından Mühafizə Xidmətinin Oğuz rayonu DYMH-də sürücü kimi çalışan Aslan Umarov rayon ərazisində yol qəzasına düşüb.

O, yanvarın 17-də saat 12 radələrində müalicə olunduğu xəstəxanada dünyasını dəyişib.

Faktla bağlı araşdırma aparılır.