Zaqatalada 15 otaqlı ev yandı
Zaqatalada 15 otaqlı ev yanıb.
Redaktor.az xəbər verir ki, yanğın Zaqatala rayonu, Muğanlı kənd sakini 1957-ci il təvəllüdlü İbrahimov İbrahim Həsən oğluna məxsus yaşayış evində baş verib.
Yanğın yerinə Zaqatala rayon YMH-dən yanğınsöndürən texnikalar və şəxsi heyət cəlb olunub.
Hadisə zamanı ümumi sahəsi 480 kv.m, 15 otaqdan ibarət olan yaşayış evinin 2-ci mərtəbəsindəki 9 otağın içindəki əşyalar və tavan hissəsi tamamilə yanıb. Evin birinci mərtəbəsində olan 6 otaq isə yararsız vəziyyətə düşüb.
Yanğının yaxınlıqdakı tikililərə keçməsinin qarşısı alınıb.
Yanğın zamanı xəsarət alan olmayıb.
Bizi Telegram-da izləyin...
