Sərxoş müştəri kafedə ofisiant qadının burnunu sındırdı
Bakının Nəsimi rayonunda 42 yaşlı qadının xəsarət alması ilə nəticələnən döyülmə hadisəsi baş verib.
Redaktor.az xəbər verir ki, rayon ərazisində yerləşən kafelərin birində sərxoş müştəri ilə ofisiant arasında düşən mübahisə dava ilə nəticələnib.
Xəsarət alan 1981-ci il təvəllüdlü Əhmədova Sədaqət təcili tibbi yardımın köməkliyi ilə xəstəxanaya çatdırılıb. Müayinə zamanı ona burun sümüklərinin sınığı diaqnozu qoyulub.
S.Əhmədovanın dediyinə görə, müştəri ona başı ilə zərbə vurub.
Hadisənin təfərrüatı araşdırılır.
Bizi Telegram-da izləyin...
