"Bakubus"un avtobusu piyadanı vurub öldürdü - YENİLƏNİB
Xəbər verdiyimiz kimi, Bakıda bir nəfər avtobusun altında qallaraq ölüb.
Redaktor.az xəbər verir ki, ilkin məlumata görə, hadisə Səbail rayon ""20-ci sahə" adlanan ərazidə baş verib.
Sürücü Abuzər Ayvazov idarə etdiyi “Bakubus” MMC-yə məxsus 99 JK 440 dövlət qeydiyyat nişanlı avtobusla kişini vurub.
Avtobusun təkəri altında qalan piyada hadisə yerində ölüb.
***
Bakıda xilasedicilər avtobusun altından meyit çıxarıb.
Bu barədə Redaktor.az-a Fövqəladə Hallar Nazirliyindən (FHN) məlumat verilib.
Bildirilib ki, FHN "112" qaynar telefon xəttinə Bakı şəhərinin Səbail rayonunda 1 nəfərin meyitinin “İveco” markalı sərnişin avtobusunun altından çıxarılmasına köməklik göstərilməsi üçün müraciət daxil olub.
Müraciətlə əlaqədar FHN-nin Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Həyata keçirilən tədbirlər nəticəsində meyit nəqliyyat vasitəsinin altından çıxarılaraq aidiyyəti üzrə təhvil verilib.
Bizi Telegram-da izləyin...
