Qazax sakinləri narkotiklə tutuldu
Qazax sakinlərində narkotik aşkarlanıb.
Bu barədə Redaktor.az-a Daxili İşlər Nazirliyinin Mətbuat Xidmətinin Gəncə regional qrupundan məlumat verilib.
Bildirilib ki, Qazax Rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edərək saxlamaqda şübhəli bilinən rayon sakinləri saxlanılıb.
Ayrı-ayrılıqda keçirilən müvafiq tədbirlər nəticəsində Raqif Məmmədrzayev, Sərdar Carçıyev, Ramiz Rəhimov, Kamran Qulyev, Adil Mirzəyev, Aydın Abdullayev və Cavid Məhərrəmov tutularaq polis şöbəsinə gətirilib.
Onların üzərinə və bir neçəsinin yaşadığı evə baxış keçirilən zaman heroin və metamfetamin aşkar edilərək götürülüb. Götürülən maddi sübutlar ekspertizaya təqdim edilib.
Faktlarla bağlı RPŞ-də araşdırmalar davam etdirilir.
Bizi Telegram-da izləyin...
