İranda baş verən zəlzələ Naxçıvanda da hiss olundu - YENİLƏNİB
AMEA nəzdində Respublika Seysmoloji Xidmət Mərkəzindən Redaktor.az-a bildirilib ki, yerli vaxtla saat 07:16-da Naxçıvan stansiyasından 102 kilometr cənub-qərbdə, İranın Xoy şəhərində 5,7 maqnitudalı zəlzələ qeydə alınıb. Zəlzələnin episentri 10 kilometr dərinlikdə olub.
Zəlzələ Naxçıvan Muxtar Respublikasında 4-3 bala qədər hiss edilib.
***
İranın Qərbi Azərbaycan vilayətinin Xoy şəhərində 5,6 maqnitudalı zəlzələ olub.
Redaktor.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Yeraltı təkanların episentri 7 kilometr dərinlikdə olub.
Zəlzələ Naxçıvan Muxtar Respublikası və Türkiyənin sərhəd ərazilərində də hiss edilib.
Bizi Telegram-da izləyin...
