Qobustanda avtomobil qəzasında 2 nəfər öldü - YENİLƏNİB
Qobustanda ağır yol qəzası olub, ölənlər var.
Daxili İşlər Nazirliyinin Mətbuat Xidmətinin Şəki regional qrupundan Redaktor.az-a verilən məlumata görə, bu gün axşam saatlarında Qobustan rayonunun Şıxzahırlı ərazisində "Mercedes" markalı avtomobilin sürücüsü, 1985-ci il təvəllüdlü Cavid Mürsəliyevin idarəetməni itirməsi nəticəsində nəqliyyat vasitəsi yoldan çıxaraq aşıb.
Sürücü və avtomobildəki sərnişin 1988-ci il təvəllüdlü Cavid Həmzəyev aldıqları xəsarətlərdən hadisə yerində ölüblər.
Faktla bağlı araşdırma aparılır.
****
21:29
Qobustan rayonunun Cəngi kəndində avtomobil qəzası baş verib.
Redaktor.az APA-ya istinadla xəbər verir ki, ilkin məlumatlara əsasən hadisədə iki nəfər dünyasını dəyişib iki nəfər ağır yaralanıb.
Bizi Telegram-da izləyin...
