Mixail Aqarunov vəfat etdi
“Azİz” İsrail-Azərbaycan Beynəlxalq Assosiasiyasının idarə heyətinin üzvü, Ağsaqqallar Şurasının sədri Mixail Aqarunov 87 yaşında vəfat edib.
Bu barədə Redaktor.az-a Diasporla İş üzrə Dövlət Komitəsindən məlumat verilib.
Mixail Aqarunov 4 dekabr 1936-cı il tarixində Bakıda dünyaya gəlib.
2004-cü ildən İsrailə repatriasiya edən Mixail Aqarunov 2006-cı ildən “Azİz” İsrail-Azərbaycan Beynəlxalq Assosiasiyasının idarə heyətinin üzvü seçilib. Ümumdünya Yəhudi Konqresinin 10-cu Baş Assambleyasının, Avrasiya Yəhudi Konqresinin təsis qurultaylarının, Rusdilli Yəhudilərin Ümumdünya Konqresinin və Dağ Yəhudilərinin Ümumdünya Konqresinin nümayəndəsi olub.
Azərbaycan Respublikasının “Tərəqqi” və “Diaspor fəaliyyətində xidmətə görə” medalları ilə təltif edilib.
Bizi Telegram-da izləyin...
