Xankəndidə partlayışda xəsarət alanların sayı 200-ü ötdü
Xankəndi-Əsgəran yolunda benzin anbarında baş vermiş partlayış nəticəsində 200-dən çox insan xəsarət alıb.
Redaktor.az TASS-a istinadla xəbər verir ki, bu barədə özünü "ombudsman" adlandıran Qeqam Stepanyan bildirib.
"Benzin çəninin partlaması nəticəsində xəsarət alanların sayı 200-ü ötür. Onların əksəriyyətinin vəziyyəti ağır və ya son dərəcə ağır qiymətləndirilir. Tibbi imkanlarımız xilas etmək üçün kifayət deyil. Təcili olaraq təcili aviasiyadan istifadə etmək lazımdır”, - deyə Stepanyan bildirib.
Qeyd edək ki, Azərbaycanın mərkəzi hakimiyyəti Xankəndidə yaralananlar üçün dərman ehtiyatı, ilkin yardım üçün avadanlıq və ləvazimatlarla təchiz edilmiş avtomobil yola salıb.
T.İSMAYIL
Bizi Telegram-da izləyin...
