Şəkidə yol-nəqliyyat hadisəsi baş verdi, xəsarət alan var
Şəkidə yol-nəqliyyat hadisəsi baş verib.
Redaktor.az "apa"ya istinadla xəbər verir ki, hadisə Orta Zəyzid kəndində qeydə alınıb.
Oğuz rayon sakini, 1973-cü il təvəllüdlü Asif Akif oğlu Həsənov idarə etdiyi “Mercedes-Benz” markalı minik avtomobili ilə Oğuz rayonu istiqamətində hərəkətdə olarkən idarəetməni itirib. Nəticədə avtomobil yolun kənarındakı çuxura düşüb.
Qəza zamanı avtomobildə olan sərnişin - Oğuz rayon sakini, 66 yaşlı Hüseyn Məhəmməd oğlu Hacıyev aldığı müxtəlif dərəcəli bədən xəsarətləri ilə Şəki Rayon Mərkəzi Xəstəxanasına (RMX) yerləşdirilib.
Faktla bağlı araşdırma aparılır.
Bizi Telegram-da izləyin...
