Örüş yerinin yaxınlığında minaya düşdü - Vəziyyəti orta ağırdır
Noyabrın 3-ü saat 01 radələrində Tərtər rayonunun Borsunlu kəndi ərazisində mina partlaması barədə rayon prokurorluğuna məlumat daxil olub.
Redaktor.az xəbər verir ki, bu barədə Tərtər rayon prokurorluğu məlumat yayıb.
Hadisə nəticəsində 1999-cu il təvəllüdlü Əli Ağalarov sağ ayağın pəncə hissəsinin travmatik amputasiyası xəsarəti alıb. Hazırda vəziyyəti orta ağır olub, müalicəsi xəstəxanada davam etdirilir.
Daxili İşlər Nazirliyinin məlumatına görə, Tərtər rayonu Borsunlu kəndi ərazisində mina partlayışı örüş yerinin yaxınlığında kənd sakininin fərdi təsərrüafatına aid heyvanlarını axtararkən baş verib.
Bizi Telegram-da izləyin...
