Uşağını taksidə tərk edən ana ilə bağlı DİN-dən AÇIQLAMA
![](https://img.redaktor.az/news/2023/12/photo_225063.jpg?v=MDM6NTUyMDIzLTEyLTExIDEzOjI2OjMx)
Yasamal RPİ 29-cu Polis Şöbəsi əməkdaşlarının keçirdikləri tədbirlərlə dekabrın 8-də axşam saatlarında Yasamal rayonu ərazisində taksidə tərk edilən körpənin valideyninin şəxsiyyəti müəyyən edilib.
Redaktor.az xəbər verir ki, bu barədə Daxili İşlər Nazirliyinin (DİN) Mətbuat Xidmətinin əməkdaşı Nurlan Əliyev məlumat verib.
Araşdırmalarla körpəni tərk edən ana - 1995-ci il təvəllüdlü qadın tapılaraq şöbəyə dəvət edilib. Hazırda hadisənin baş vermə səbəbləri və təfərrüatı barədə araşdırmalar davam etdirilir (oxu.az).