Cəlilabadda yol qəzası oldu, xəsarət alanlar var
Cəlilabad rayonunda ağır yol-nəqliyyat hadisəsi baş verib.
Redaktor.az "report"a istinadən xəbər verir ki, olay Cəlilabad-Astanlı-Cəngan-Soltankənd avtomobil yolunun Abdullu kəndindən keçən hissəsində qeydə alınıb.
Qəza zamanı “VAZ 2107” markalı minik avtomobili yol kənarında dayanmış “Qazel” markalı yük avtomobilinə çırpılıb. Nəticədə Cəlilabad rayon sakini 1997-ci il təvəllüdlü Musayev Fərid və 1956-ci il təvəllüdlü Bəşirov Ədalət ağır xəsarət alıb.
Yaralılar Cəlilabad Rayon Mərkəzi Xəstəxanasına çatdırılıb.
Faktla bağlı araşdırma aparılır.
Bizi Telegram-da izləyin...
