“Range Rover”i 200-lə sürən Afət də saxlanıldı - VİDEO
İdarə etdiyi “Range Rover Velar” markalı avtomobillə yol hərəkət qaydasını pozaraq bunu sosial şəbəkə hesabında paylaşan Afət Əhməd qızı Quluzadə saxlanılıb.
Redaktor.az xəbər verir ki, bu barədə Baş Dövlət Yol Polisi İdarəsi (BDYPİ) məlumat yayıb.
İzahatında törətdiyi əməldən peşman olduğunu və bir daha belə hallara yol verməyəcəyini bildirən A.Quluzadə barəsində inzibati protokol tərtib edilib.
BDYPİ bir daha bütün sürücülərdən bu kimi hallara yol verməmələrini tələb edir və xəbərdarlıq edir ki, belə hallara yol verən şəxslər aşkar edildikdə heç bir istisna olmadan barələrində ciddi tənbeh tədbirləri görüləcək.
Xatırladaq ki, bir neçə gün öncə sosial şəbəkədə "Esma Nur" adı ilə tanınan Axundzadə Əsmər Roman qızı da idarə etdiyi 77-ES-777 qeydiyyat nişanlı, "Range Rover" markalı avtomobillə videoçəkiliş aparmaqla kobud qayda pozuntularına yol verdiyi üçün DYP əməkdaşları tərəfindən saxlanılıb.
Bizi Telegram-da izləyin...
