Valideynlər dalaşdı, uşaq xəsarət aldı
Gəncədə ailə münaqişəsi zamanı 12 yaşlı yeniyetmə xəsarət alıb.
Redaktor.az "report"a istinadən xəbər verir ki, hadisə şəhərin Şahsevənlər küçəsində yerləşən evlərin birində qeydə alınıb.
Belə ki, 2012-ci il təvəllüdlü A.İ.-ova bud nahiyəsindən kəsici ailətlə xəsarət alıb. O, Gəncə şəhər 2 saylı Uşaq Xəstəxanasına çatdırılıb.
Yaxınlarının dediyinə görə, hadisə ailə münaqişəsi zəminində qeydə alınıb. Belə ki, o, mübahisə edən ata-anasını ayırmaq istəyərkən atası əlindəki bıçaqla ehtiyatsızlıqdan ona xəsarət yetirib.
Yaralının vəziyyəti qənaətbəxş hesab edilir.
Faktla bağlı araşdırma aparılır.
Bizi Telegram-da izləyin...
