Bakıda avtobuslarda cibgirlik edənlər saxlanıldı - Onları tanıyan varsa...

 14:24 02.04.2024     220

İctimai nəqliyyatda cibgirlik edən şəxslər saxlanılıblar.

Daxili İşlər Nazirliyindən Redaktor.az-a verilən məlumata görə, Bakının Sabunçu, Suraxanı və digər rayonlarında polisin keçirdiyi tədbirlərlə ictimai nəqliyyatda cibgirlik edən əvvəllər məhkum olunmuş Emil Məmmədov və Rövşən İsmayılov saxlanılıblar. Bu şəxslərin avtobuslarda sərnişinlərin pul, mobil telefon və digər qiymətli əşyalarını taladıqları müəyyən edilib. Saxlanılanların avtobuslarda törətdikləri hadisələrin bir neçəsi müşahidə kameraları vasitəsi ilə də qeydə alınıb.

Faktlarla bağlı araşdırmalar davam etdirilir. E.Məmmədov və R.İsmayılovun qanunsuz əməllərindən zərərçəkən başqa şəxslər varsa bu barədə polisə müraciət edə bilərlər.