Bakıda binada yanğın oldu - Sakinlər təxliyyə edildi - VİDEO
![](https://img.redaktor.az/news/2024/04/photo_237653.jpg?v=MDM6NDYyMDI0LTA0LTEzIDA5OjA2OjM4)
Bakı şəhərinin Səbail rayonunda hündürmərtəbəli bina ilə bitişik taxta konstruksiyada yanğın olub.
Bu barədə Redaktor.az-a Fövqəladə Hallar Nazirliyindən bildirilib.
“Fövqəladə Hallar Nazirliyinin “112” qaynar telefon xəttinə Bakı şəhərinin Səbail rayonu, Göyüş Qarayev küçəsində yanğın baş verməsi barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub”, – məlumatda qeyd olunub.
Bildirilib ki, əməliyyat şəraitinin qiymətləndirilməsi zamanı yanğının onsəkkizmərtəbəli yaşayış binasına bitişik taxta konstruksiyadan ibarət tikilidə baş verdiyi və hər an binaya keçmə riskinin olduğu müəyyən edilib:
“Yanğınsöndürənlərin operativ müdaxiləsi sayəsində yanğın yaşayış binasına keçməyə imkan verilmədən qısa müddətdə söndürülüb. Yanğın nəticəsində sahəsi 5m² olan taxta konstruksiyadan ibarət yarımçıq tikili və 25 m² sahədə taxta qırıntıları yanıb, binanın fasadında 5p.m. elektrik kabelləri əriyib. Yaşayış binası yanğından mühafizə edilib”.