Gəncədə şagird sinif yoldaşına xəsarət yetirdi
Gəncədə şagirdin sinif yoldaşına xəsarət yetirməsi ilə bağlı araşdırma aparılır.
Bu barədə Redaktor.az-a DİN-in mətbuat xidmətinin Gəncə regional qrupundan bildirilib.
Məlumata görə, faktla bağlı Gəncə Şəhər Baş Polis İdarəsində müvafiq araşdırmalar başlanılıb, tezliklə məsələyə hüquqi qiymət veriləcək.
***
Bu gün 4-cü dərs saatından sonrakı tənəffüs zamanı sanitar qovşaqda Gəncə şəhər A.Ələsgərli adına 36 nömrəli tam orta məktəbin 9-cu sinif şagirdi Əziz Vəliyev sinif yoldaşı Oruc Quliyevin ayaq hissəsinə kəsilmiş şüşə parçasıyla xəsarət yetirib.
Redaktor.az-ın məlumatına görə, Gəncə-Daşkəsən Regional Təhsil İdarəsindən bildirilib ki, Oruc Quliyevi xəstəxanaya aparıblar, vəziyyəti normaldır:
"Hal-hazırda Gəncə şəhəri üzrə təhsil sektoru və hüquq-mühafizə orqanlarının əməkdaşları məktəbdədirlər".
Bizi Telegram-da izləyin...
