Naxçıvan Dövlət Universitetinin fəlsəfə doktoru vəfat etdi

 23:37 01.05.2024     648

Naxçıvan Dövlət Universitetinin prezident təqaüdçüsü, fəlsəfə doktoru vəfat edib.

Redaktor.az xəbər verir ki, Naxçıvan Dövlət Universitetinin Fizika və energetika kafedrasının dosenti, fizika-riyaziyyat üzrə fəlsəfə doktoru, prezident təqaüdçüsü Faiq Əqil oğlu Mirişli 85 yaşında dünyasını dəyişib.

NDU-da işlədiyi illər ərzində Faiq Mirişli Elektroradiotexnika və materialşünaslıq kafedrasının müdiri, 1992-1997-ci illərdə universitetin tədris işləri üzrə prorektoru, 1997-2007-ci illərdə fizika kafedrasının müdiri vəzifəsində çalışmışdır.

Onun bərk cisimlər fizikasının seqnetoelektriklər sahəsində apardığı elmi-tədqiqat işləri xarici elmi mətbuatlarda çap edilmiş və bir neçə məqalələrin nəticələrindən elmi ədəbiyyatlarda istifadə olunmuşdur. (APA)