Kəlbəcərdə qəza - hərbçimiz vəfat etdi - YENİLƏNİB
Mayın 3-də Kəlbəcər rayonu ərazisində şəxsi avtomobilin qəzaya uğraması nəticəsində xəsarət alan hərbi qulluqçu Əhmədov Fuad Cəlal oğlu vəfat edib.
Bu barədə Redaktor.az-a Müdafiə Nazirliyindən bildirilib.
Məlumata görə, qəza nəticəsində xəsarət alaraq yaxınlıqdakı hərbi tibb müəssisəsinə təxliyə edilən digər hərbi qulluqçular həkimlərin nəzarəti altındadır.
"Xidmətdən kənarda baş vermiş yol-nəqliyyat hadisəsi ilə bağlı araşdırma aparılır", - deyə nazirlikdən bildirilib.
13:25
Kəlbəcərdə yol-nəqliyyat hadisəsi baş verib.
Redaktor.az xəbər verir ki, hadisə rayonun Qozlu kəndi ərazisində qeydə alınıb. Hərəkətdə olan yük avtomobili minik avtomobilli ilə toqquşub.
Qəzada 5 nəfərin xəsarət aldığı bildirilir. Xəsarət alanlar xəstəxanaya yerləşdiriliblər. Hadisə yerinə Kəlbəcər RPŞ-nin əməkdaşları cəlb olunub.
Yol qəzasında xəsarət alanların hərbçi olduqları bildirilir (apa).
Bizi Telegram-da izləyin...
