Azərbaycanda dəhşətli avtobus qəzası - 2 ölü, çox sayda yaralı var
Cəlilabadda dəhşətli yol qəzası baş verib.
Redaktor.az xəbər verir ki, hadisə rayonun Sadatlı kəndi ərazisində qeydə alınıb.
DİN-in Mətbuat Xidmətinin Lənkəran regional qrupundan bildirilib ki, iyunun 6-da saat 10 radələrində Y.Bağırov idarə etdiyi "Mercedes" markalı mikroavtobusla Cəlilabad rayonunun Sadatlı kəndi ərazisində idarəetməni itirib və nəqliyyat vasitəsi aşıb.
Nəticədə mikroavtobusda olan sərnişinlərdən S.Kazımova və K.Şükürova ölüb, çoxlu sayda yaralı var.
Yaralılar təcili tibbi yardım briqadaları tərəfindən rayon xəstəxanasına aparılıb.
Hazırda hadisənin təfərrüatları, ölən və yaralıların şəxsiyyəti dəqiqləşdirilir.
Faktla bağlı araşdırma aparılır.
Bizi Telegram-da izləyin...
