Ailəsi ilə dalaşdı, özünü yandırmaq istədi
Bu gün saat 21:00 radələrində Neftçala rayonu ərazisində əvvəllər Cinayət Məcəlləsinin müxtəlif maddələri ilə məhkum olunmuş Zaur Həsənov intihara cəhd edib.
Redaktor.az “Qafqazinfo”ya istinadən xəbər verir ki, o, ailə üzvlərinin ona olan münasibətindən əsəbiləşərək, sərxoş vəziyyətdə istirahət parkının qarşısında üzərinə yandırıcı maddə töküb.
Həmin vaxt parkın ərazisində xidmət aparan polis əməkdaşları və vətəndaşlar tərəfindən intihar cəhdinin qarşısı alınıb.
Z. Həsənov xəstəxanaya çatdırılıb.
Yaxınlarının bildirdiyinə görə, o, aprelin 19-da həbsdən çıxdıqdan sonra tüfeyli həyat tərzi keçirir, tez-tez ailə üzvləri ilə münaqişə yaradır.
Hazırda faktla bağlı araşdırma aparılır.
Bizi Telegram-da izləyin...
