Rütbəsi alınan həbsdəki general bəraət istəyir
Məhkəmənin hökmü ilə 10 il azadlıqdan məhrum edilən Naxçıvan Muxtar Respublikası Penitensiar Xidmətinin sabiq rəisi Tofiq Həsənov barəsində olan hökmdən apellyasiya şikayəti verib.
Redaktor.az xəbər verir ki, şikayət məhkəməyə təqdim edilib və T.Həsənov şikayət ərizəsində ağır cinayətdə təqsirli bilindiyi hökmün ləğv edilməsini xahiş edib.
Şikayətə iyulun 4-də baxılacaq.
Qeyd edək ki, Naxçıvan Muxtar Respublikası Ağır Cinayətlər Məhkəməsinin hökmü ilə T.Həsənov mənimsəmədə və külli miqdarda rüşvət almaqda təqsirli bilinərək 10 il müddətinə azadlıqdan məhrum edilib.
Həmçinin onun general rütbəsindən, medal və təltiflərdən məhrum edilməsi ilə bağlı müvafiq orqana təqdimat göndərilməsi haqda qərar qəbul edilib.
Bizi Telegram-da izləyin...
