Maşın dağa çırpıldı: xəsarət alanlar var
Lerik rayonunda yol-nəqliyyat hadisəsi qeydə alınıb.
Redaktor.az xəbər verir ki, hadisə Lerik rayonunun ucqar dağ kəndi olan Qışlaq ərazisində baş verib.
Lerik rayon Hamarat kənd sakini, 1958-ci il təvəllüdlü Şirvan Xaliq oğlu Yusubov idarə etdiyi UAZ markalı avtomobillə hərəkətdə olarkən idarəetməni itirib. Nəqliyyat vasitəsi yol kənarındakı dağa çırpılıb.
Qəza nəticəsində sürücü və avtomobildə olanlar - 1998-ci il təvəllüdlü Cavid Raqib oğlu Dadaşzadə və 1967-ci il təvəllüdlü Mirzə Miri oğlu Ağayev xəsarət alıblar.
Hər üç yaralı Lənkəran Rayon Mərkəzi Xəstəxanasına çatdırılıblar.
Bizi Telegram-da izləyin...
