Bakıda binada güclü yanğın söndürüldü - VİDEO - YENİLƏNİB
Bakı şəhəri, Yasamal rayonu, Şəfayət Mehdiyev küçəsində yerləşən çoxmərtəbəli yaşayış binasında yanğın baş verib və dərhal əraziyə Fövqəladə Hallar Nazirliyi Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin qüvvələri cəlb olunub.
FHN-in Mətbuat xidmətindən Redaktor.az-a verilən məlumata görə, həyata keçirilmiş operativ tədbirlər sayəsində mənzildə baş vermiş yanğın genişlənməsinə imkan verilmədən qısa müddətdə söndürülüb.
***
Bakı şəhər Yasamal rayonunda çoxmərtəbəli binada yanğın başlayıb.
Redaktor.az “Qafqazinfo”-ya xəbər verir ki, binanın orta mərtəbəsində yerləşən mənzillərin birində alovla müşahidə edilən yanğın hazırda davam edir.
Əraziyə yanğınsöndürmə briqadaları cəlb edilib.
***
FHN-dən bildirilib ki, nazirliyin 112 “qaynar xətt”inə Yasamal rayonu Şəfayət Mehdiyev küçəsində çoxmərtəbəli yaşayış binasında yanğın baş verməsi barədə məlumat daxil olub.
Əraziyə Dövlət Yanğından Mühafizə və Xüsusi Riskli Xilasetmə Xidmətinin qüvvələri cəlb edilib.
Əlavə məlumat veriləcək.
***
DİN-in Nəqliyyatı İntellektual İdarəetmə Mərkəzindən bildirilib ki, Şəfayət Mehdiyev və Mehdi Məmmədov küçələrinin kəsişməsindəki binada yanğın səbəbindən Mehdi Məmmədov küçəsi istiqamətində nəqliyyat vasitələrinin hərəkətinə məhdudiyyət qoyulub.
Bizi Telegram-da izləyin...
