Gəncədə şagirdləri təhqir edib videoya çəkən məktəbli ilə bağlı DİN-dən AÇIQLAMA
Gəncədə məktəbdə siqaret çəkən şagirdin valideyni ilə söhbət aparılıb.
Redaktor.az xəbər verir ki, Gəncə şəhərində yerləşən orta məktəblərdən birinin 10-cu sinif şagirdi olan E.M məktəbdə siqaret çəkib, digər şagirdləri təhqir edib və bunu videoya çəkərək sosial şəbəkədə paylaşıb.
Daxili İşlər Nazirliyinin (DİN) Mətbuat xidmətinin Gəncə regional qrupunun baş inspektoru Eşqin Qasımov bildirib ki, görüntülərlə bağlı müvafiq tədbirlər görülüb və aidiyyəti dövlət komissiyanın nümayəndələri ilə birgə polis əməkdaşları həmin məktəbdə olublar.
“Şagird və onun valideyni ilə profilaktik iş aparılaraq, bu barədə protokol tərtib olunub”, - DİN rəsmisi vurğulayıb.
Bizi Telegram-da izləyin...
