Türkiyədə uçqun nəticəsində 2 fəhlə həyatını İTİRDİ
Türkiyənin Şanlıurfa şəhərinin Ceylanpınar rayonunda kanalizasiya işləri zamanı uçqun baş verib. Torpaq altında qalan 4 işçidən 2-si həyatını itirib. Bir işçi yaralı halda xəstəxanaya çatdırılıb, digər işçini axtarma işləri davam edir.
Redaktor.az xəbər verir ki, Bahçelievler məhəlləsində aparılan qazıntı işləri zamanı naməlum səbəbdən yol kənarına yığılmış torpaq işçilərin üzərinə tökülüb.
Hadisə yerinə xilasedicilər, təcili tibbi yardım və təhlükəsizlik qüvvələri cəlb olunub. Uçqun altında qalan işçiləri xilas etmək üçün axtarış-xilasetmə işləri aparılır.
Kənan YUSİF
Bizi Telegram-da izləyin...
