Məhkəmə DSX mayoruna hücum edən idmançılarla bağlı qərar VERDİ
Bakıda DSX mayoruna hücum etməkdə təqsirləndirilən idmançılar barəsində olan həbs qətimkan tədbiri uzadılıb.
Redaktor.az xəbər verir ki, Xətai rayon Məhkəməsində keçirilən prosesdə təqdimata baxılıb.
Məhkəmə təqsirləndirilən şəxslərin həbs-qətimkan tədbirinin müddətini mayın 5-dək uzadıb.
Qeyd edək ki, yanvarın 4-də saat 03 radələrində paytaxtın Xətai rayonunda bir qrup idmançı xuliqanlıq zəminində insident törədib.
Xətai rayon Məhkəməsinin qərarına əsasən, həmin şəxslər barəsində 3 ay müddətinə həbs-qətimkan tədbiri seçilib.
İdmançıların DSX mayoru, kikboksinq üzrə Əməkdar məşqçi və Əməkdar idman ustası Fuad Zeynalova hücum etdikləri bildirilir.
Onlara qarşı Cinayət Məcəlləsinin 221.2.1-ci (bir qrup şəxs tərəfindən xuliqanlıq) maddəsi ilə ittiham irəli sürülüb (APA).
Bizi Telegram-da izləyin...
