Cəlilabadda 8 yaşlı uşaq üzərinə hasar aşması nəticəsində ÖLDÜ
Cəlilabad rayonunda azyaşlı uşaq bədbəxt hadisə nəticəsində həyatını itirib.
Redaktor.az APA-ya istinadən xəbər verir ki, hadisə axşam saatlarında rayonun Alar kəndində baş verib. Kənd sakini, 2017-ci il təvəllüdlü N.M həyətdə olarkən üzərinə daş hasar aşıb və uşaq dağıntıların altında qalıb.
Ağır xəsarətlər alan azyaşlı dərhal xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.
Yaxınlarının bildirdiyinə görə, hadisənin baş verdiyi hasar uzun müddətdir qəzalı vəziyyətdə idi və yaxın günlərdə təmir olunacağı planlaşdırılırdı.
Məlumata əsasən, hadisə baş verən zaman uşağın atası da həyətdə olub.
Faktla bağlı araşdırma aparılır.
Bizi Telegram-da izləyin...
