Ana doğuş zamanı ÖLDÜ - YENİLƏNİB
Masallıda doğuş zamanı ölən qadınla bağlı açıqlama verilib.
Redaktor.az-ın məlumatına görə, TƏBİB-dən bildirilib ki, aprelin 23-ü saat 00:05 radələrində 1989-cu il təvəllüdlü şəxs 40 həftə 3 gün hamiləliklə Masallı Rayon Mərkəzi Xəstəxanasına daxil olub.
Zəruri tibbi müayinələr aparılıb, doğuşun konservativ-gözləyici taktika ilə aparılması qərarına alınıb. Saat 03:00 radələrində hamilənin səhhətində qəflətən pisləşmə müşahidə olunub və aparılan zəruri reanimasiya tədbirlərinə baxmayaraq, aprelin 23-ü saat 03:26-da ölüm faktı qeydə alınıb.
Hazırda ölümün ilkin səbəbinin müəyyənləşdirilməsi istiqamətində müvafiq araşdırmalar aparılır.
Qeyd edək ki, ölümün birbaşa səbəbi yalnız məhkəmə-tibbi ekspertiza (təşrihin) nəticəsində mümkündür.
11:30
***
Masallıda doğuş zamanı ana ölümü baş verib.
Redaktor.az APA-ya istinadən xəbər verir ki, Masallı sakini 40 həftəlik hamilə Nərmin Mehbalıyeva doğuş zamanı ölüb.
Faktla bağlı Masallı Rayon Prokurorluğunda araşdırma aparılır.
Bizi Telegram-da izləyin...
