Ağdərədə minaya düşən şəxsin ayağı amputasiya ediləcək, vəziyyəti ağırdır - YENİLƏNİB
Ağdərə rayonunda minaya düşərək xəsarət alan şəxsin ayağı amputasiya ediləcək.
Redaktor.az “Report”-a istinadən xəbər verir ki, Bərdə Mərkəzi Xəstəxanasında bildirilib ki, bu gün saat 20:30 radələrində minaya düşmə səbəbilə xəsarət alan 1978-ci il təvəllüdlü şəxs (kişi cinsli) Tərtər Rayon Mərkəzi Xəstəxanasından Bərdə Rayon Mərkəzi Xəstəxanasına təxliyə olunub.
“Sağ aşıq baldırının travmatik amputasiyası, sağ baldırın qəlpə yarası diaqnozu təyin edilən pasiyentin üzərində sağ baldır ayaq oynağının şopar oynağı amputasiyası əməliyyatı icra olunacaq. Hazırda müvafiq şöbədə müalicəsi davam etdirilir, vəziyyəti ağırdır”, - deyə məlumatda qeyd olunub.
***
Ağdərə rayonunda minaya düşən şəxs Tərtər xəstəxanasına yerləşdirilib.
Redaktor.az xəbər verir ki, Ağdərə rayonunun Qırmızı kənd ərazisində minaya düşərək xəsarət alan 1978-ci il təvəllüdlü Tərtər rayonu Yuxarı Qaradağlı kənd sakini Hüseynov Telman Əhməd oğlu ərazidən çıxarılıb.
Tərtər Rayon Mərkəzi Xəstəxanasının təcili tibbi yardım şöbəsinə yerləşdirilən yaralaya ilkin tibbi yardım göstərilib.
T.Hüseynov sol ayağının pəncəsi və ayağının aşağı hissəsində çoxsaylı qəlpə yaraları alıb. Yaralının Bərdə Rayon Mərkəzi xəstəxanasının travmatologiya şöbəsinə köçürüləcəyi bildirilib.
Qeyd edək ki, hadisənin baş verdiyi ərazi keçmiş təmas xətti olub.
***
Ağdərə ərazisində mülki şəxs minaya düşüb. Hadisə rayonun Qırmızı kənd ərazisində baş verib.
Redaktor.az "Repor"a istinadən xəbər verir ki, Tərtər Rayon Yuxarı Qaradağlı kənd sakini Hüseynov Telman Əhməd oğlu ərazidə mal - qara oturarkən minaya düşüb. Hazırda yaralının ərazidən götürülməsi üçün, işlər aparılır.
Bizi Telegram-da izləyin...
