Piyadanı vuran avtomobil mağazaya çırpıldı - ölən var
Bu gün saat 12 radələrində Balakən rayonunun Qullar kəndi ərazisində ağır yol qəzası baş verib.
Redaktor.az “Qafqazinfo”ya istinadla xəbər verir ki, “Mercedes C Class” markalı avtomobil idarəetmədən çıxaraq piyada, 1993-cü il təvəllüdlü Günel Bahalovanı vurub, daha sonra isə mağazaya çırpılıb. Nəticədə piyada aldığı xəsarətlərdən hadisə yerində ölüb.
Sürücü 29 yaşlı İmam Babazadə isə xəsarət alıb.
DİN-in Mətbuat Xidmətinin Şəki regional qrupundan bildirilib ki, faktla bağlı cinayət işi başlanılıb, araşdırmalar aparılır.
Bizi Telegram-da izləyin...
