Polkovnik-leytenantın oğlunu öldürməkdə şübhəli bilinən şəxs təslim oldu - YENİLƏNİB - FOTO
Gəncədə qəsdən adam öldürmə faktı üzrə cinayət işi başlanıb.
Redaktor.az APA-ya istinadən xəbər verir ki, Gəncə şəhər prokurorluğundan bildirilib ki, oktyabrın 8-də saat 12 radələrində Gəncə şəhəri, Mahrasa bağı 94 ünvanında 2009-cu il təvəllüdlü C.Vəliyevin (şərti) ölməsi barədə şəhər prokurorluğuna məlumat daxil olub.
Araşdırma zamanı 2007-ci il təvəllüdlü B.Zamanovun (şərti) bıçaqla xəsarətlər yetirməklə C.Vəliyevi qəsdən öldürməsinə əsaslı şübhələr müəyyən edilib.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
B.Zamanov könüllü gələrək polisə təslim olub və şəhər prokurorluğu tərəfindən şübhəli şəxs qismində tutulub.
İbtidai istintaq davam etdirilir.
***
Gəncədə yeniyetməni qətlə yetirməkdə şübhəli bilinən şəxs polisə təslim olub.
Redaktor.az APA-ya istinadən xəbər verir ki, 2007-ci il təvəllüdlü Gəncə şəhər sakini R. Cəfərov polisə gedərək təslim olub.
Gəncədə yeniyetməni qətlə yetirən şəxsin kimliyi məlum olub.
Redaktor.az APA-ya istinadən xəbər verir ki, 2009-cu il təvəllüdlü V.R.-i 2007-ci il təvəllüdlü R.Cəfərov bıçaqlayaraq qətlə yetirib.
Hazırda hadisəni törədən şəxsin tutulması istiqamətində axtarış tədbirləri həyata keçirilir.
***
Gəncə şəhərində qətl hadisəsi baş verib.
Redaktor.az APA-ya istinadən xəbər verir ki, cinayət şəhər ərazisində qeydə alınıb.
Belə ki, 2009-cu il təvəllüdlü Vaqif Rəfibəyli bıçaqla qətlə yetirilib. Mərhumun 11-ci sinif şagirdi olduğu bildirilir.
Faktla bağlı araşdırmalar davam etdirilir.
Hazırda hadisənin təfərrüatları dəqiqləşdirilir.
Bizi Telegram-da izləyin...
